Ièr, j'os voulu minger unne vake. Mie unne vraie, mais unne qui rit et eq tu ringes din ch'frigo.
J'hape ech tiote languette, et je kminche à tirer dsu. Crac ! Mie ouvert. Feut q'j'arrache ech papier. Cho m'prinds du tans et j'os del vake qui rit chu ches doés. Mi, éj ris mie.
Et falloait mie ête lo ; T’éroais p't'ête tout prins din t'dgife, ech vake avuc tout ch'reste.
Unne ouverture aisiée restero toudi unne ouverture qu'est dite aisiée, mais qu'est souvint malaisiée.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
rien ne veau un bon vieux calendoss !
RépondreSupprimerMerchie à ti pour ech boinne cacouille : "veau" (ed vake) et mie "vaut", cho m'foait bin rire.
Supprimer