Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

mercredi 28 août 2019

Un chin fu n'lu pèrte in voéyage

Ch'étoait à Lile, et ch'est min frère qui m'o conté quoé qu'ej vo écrire achteure.

Don, min frère étoait à Lile un jour.

I voét un chin fu n'lu avuc unne boutèle d'ieu din s'main gueuche.

Cht'onme s'boaisse pour haper l'bertèle à main droéte ed chin so à dos, et l'mette dsu chin dos.

Pi, i met s'boutèle d'ieu à main droéte pour haper achteure l'bertèle à main gueuche ed chin so à dos.

Infin, i pose ch'boutèle et frunme ech chinture dech so dvant ch'panche.

Pi, i pèrte.

Min frère, qu'i n'boét mie granmint, et qui ch'jour-lò n'avoait poin bu, o vraimint vu cht'onme foaire tout cho.

Mais in vrai, ech chin fu n'lu n'avoait poin ed so à dos.

J'in profite pour dire à ches gins qui connoaisse'te mie Lile eq ch'est unne fin bèle ville.




Boinne jornée à tertous.


Aucun commentaire:

Enregistrer un commentaire