Ed tans in tans, ej vos mets in bos del page qu'i o unne gin qu'ej connoais et eq j'ainme qu'o ches ages ech jour-lò.
Innui, ej foais un article intier dsu.
Cho foait vint-quat innées qu'ej souhaite ches ages à m'daraine fille, sis innées, djò, eq j'écris dsu min blog et i mets un mot ech trinte-et-un dech moés ed moai.
Edpi deus innées, min conmarade ch'Zèf m'indique, in conmintère, eq li-étou, il o ches ages ech trinte-et-un dech moés ed moai.
M'fille, ale vo bin et j'vo l'vir au vèpe.
Mais min conmarade, l'o mis un article chu chin blog i o tchinze jours, edpi, rin.
Adon, ej vux i dire qu'ej pense à li et eq j'i souhaite unne boinne jornée.
Pour ches eutes qu'is li'te min blog, allez vir, chin vos ekmander, chti dech Zèf, lonmé Ch'ti jornal in Picard.
Boinne jornée à tertous.
Et surtoute à ches gins qu'ont leus ages innui.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Merci ED , t'as inne boéne mémoére . J avoais minme pu souvenance dé n'n avoér pérlé din un d'més billets !
RépondreSupprimerFuche ! Merci pour més âges ! Pi tant qu'y sus , bén , ej souhaite étou un joéyeux anniversaire à t'file ! Adé Ez 'zéf
Min Zèf, ej su ureus de t'lire.
SupprimerEj mé ranmintuvoe mie chi t'os mis o nan un billet chu ets ages, mais ej su seur eq t'avoais répondu à mes deus articles dech trinte-et-un dech moés moai. Achteure, cho foait troés keups.
A béto !