Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

samedi 18 mai 2019

Is n'ont rcausé

Ch'étoait au matin, j'o mie écrit timpe au matin, vu eq ch'étoait alintour ed nu eures, j'o intindu un jornaleu causer ed Nuit Dbeut.

Os vos ramintuvoez ?

I o troés ins, in marche, des gins manifest'te, et ches jornaleus les lonme'te Nuit Dbeut.

Edpi, os les avoème oblié.

Minme mi !

Mi qu'o un nveu et unne nièce qui sont des membes ed Nuit Dbeut. Tiens ! Ej vo leu invoéyé unne carte postale.

Eh bin ! Au matin, in causant ed ches Gannes Espincers, toudi in vie, un jornaleu o causé ed Nuit Dbeut.

Feut dire eq ches deus mouvemints s'rsanne'te.

Minme chi chti ed deus-mile-sèse o granmint moinss berzillé ed coses o monumints eq ches Gannes Espincers.

Bec à min nveu et m'nièce.

Et à tertous.


2 commentaires:

  1. Je crois savoir quelle carte postale tu vas leur envoyer ;-)

    RépondreSupprimer
  2. Bonjour Guemlu.

    Ch'est bin possibe eq tu l'seuches.

    Bec à ti.

    RépondreSupprimer