Ièr, timpe au matin, avant ed pèrtir prinde un train pour aller ouvrer, conme chake jour, jé rbée l'télévision, et un jornaleu cause ed ches nèges qu'i o achteure (ièr au matin) à Pèris et ches alintours.
Mais à l'télé, quanq tu rbées bin ches images, t'aperchus un keup unne plancarte qu'os voéyons chu ches bords ed keuchie pour inditcher ches directions.
Et chu l'plancarte, i o ech nom d'unne ville od' un village qui s'défini pèr Velay.
Velay !
T'in connoais granmint, ti, des villes o villages alintour ed Pèris qui s'définiche'te pèr Velay ?
Autchunne, slon mi.
O bin, à quat-chint-quarante kilomètes au moinss.
I o, ch'est seur, Ech-Puy-in-Velay, mais étou Minfautchon-in-Velay o coèr, Sin-Didier-in-Velay.
Ch'est pu alintour ed Pèris.
Il existero don toudi ed saprés jornaleus qui vu'te nos prinde pour des nikdouilles.
Et pour nos foaire rire, vu leus berlures.
Prudinche chu ches keuchies.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Aucun commentaire:
Enregistrer un commentaire