Unne gin riche, quanq ale vo amon un pauve, o un moinss riche, ale s'moque.
Nan ! In vrai, ale s'moque mie, mais des keups, ale ne s'rind mie compte ed quoé qu'ale dit !
Minme chi ale vut ête régalante avuc ech pauve.
Per eximpe, un riche et un pauve fouft'te insanne et dvise'te ; Ch'riche dit à l'eute :
- "Tu dvroais acater cho, et cho, et cho pour bin foufter."
Pi :
- "L'eute moés, avuc m'fanme et ems éfants, os sonmes allés unne smangne in vagances à ches nèges, in Russie. Ch'étoait fin bin !
Tu pourroais foaire cho un keup avuc t'fanme ?!"
Et l'eute, i répond mie. Vu eq tertous ches moés, i cartchule, chintinme per chintinme, quoé qu'il o coèr conme argint pour acater à minger.
Aprè, din l'vie, i o des gins qui n'sont mie pauves, mais qui dépinse'te granmint trop. Cho rviend à dire qu'is sont conme des pauves.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Ha vo ti ED ! N'y a tojours yeu des paures gins pi des gros matchés a million ! Mi j'dis qu'i n'feut poin péter pu haut qu'on a l'tchul ! Adé éz zéf
RépondreSupprimer