Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libe d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

samedi 20 mai 2017

Vnez minger

..., i in éro pour tertout.

Ch'est quoé eq put dire unne gins qui ainme ches chipolatas.

L'eute jour, à Mailly, tiot village inter Bieumont et Bétrancourt, ach nord d'Albèrte, din l'Sonme, un agripeu o agripé soéçante tchilos ed saucisses din unne coopérative dech vllage.

Soéçante tchilos !

Et d'unne, tu pux mie ête tout seu pour prinde tout ho.

Et ed deus, chi unne saucisse pèse alintour ed chint grammes, cho rprésinte alintour ed sis-chint chipolatas eq ches gins ont prins. Don, alintour ed deus à troés-chint gins pour tout minger.

P't'ête pour un mèriage ?

A ches cadoreus d'intchéter.

Et ach chèrcuitier de rfoaire des saucisses.

Aucun commentaire:

Enregistrer un commentaire