Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

samedi 25 février 2017

Ej vux mie naîte

Jou qu'os avez djò intindu unne gin, un tchyin, unne vake, unne berbis, un kvau o eute dire ho ?

Janmoais. Ch'est mie possibe. Qu'ej seuche !

Naîte ?

Naîte, ch'est kminché à moérir !

- "Quoé ch'est qu'il o bu pour nos conter des coses conme ho ?" qu'os vos disez seuremint, coèr un keup !

Rin. O bin mie granmint.

Nan ! Ej su in route à lire un cros live ed mile-chint-quarante-troés pages qui s'lonme "Naissinche". L'gin qu'écrit ch'live kminche in causant conme quanq il étoait din l'panche de s'mère. Mie possibe ed se ranmintuvoer, mais il le foait. Pi i cause del vie et del mort.

Page vint-uit !

Ej vos ércausero p't'ête dech live, chi j'arrive à continuer del lire.

Becs à tertous.

Aucun commentaire:

Enregistrer un commentaire