In vrai, ej vouloais mette ech mot intchuller à l'place de tchitter, mais comme i o ed jonnes iux qui li'te min blog, j'o mis ech verbe tchitter.
Etpi, edpi un in et avuc ech présidint d'achteure, intchuller est accepté. Feut dire qu'il o des conmarades qu'ainme'te ho.
Mais ch'est mie d'ho qu'ej vux causer.
Ej vux causer ed ches gins qu'ainme'te, o qui di'te ainmer, ech présidint et chin premier ministresse et qu'i leu met'te des beus ed bo din les gambes.
Mi, j'o toudi rbéïer ches résultats ed ches elections quèk moés apré : chincante-deus pèr chint ed ches votants, in deus-mille-douse, pour ech nouvieu présidint, et achteure, deus ins apré, dis-sèt pèr chint ed ches gins qu'i l'ainme'te coèr ! Feut dire eq chincante-deus pèr chint ed ches votants, ho foaisoait eq trinte-nu pèr chint ed ches gins.
Vive La Rochelle, minme chi est mie régalant qu'is ont battu Toulouse ach rugby.
Aucun commentaire:
Enregistrer un commentaire