...ém tète a du mau."
Tu connoais echl'espression ?! J'o vérifié.
Em tète :
Ej sus mie l'inspecteu Colombo, mais m'fanme m'dit souvint : "- t'os oblié cho ?", "- tu rappéles mie ed cho ? "- ch'étoait mie lo."
Ej croès mie avoèr Alzheimer, mais feut vir.
Min tchu :
A min âge, feut surveiller ech colon. Qui s'dit !
"- Ches tests sont positifs" qui dit ech sérusyin ; "- Os avez du saing din ch'brin."
Brin !
A l'ôpital, i di'te qu'i o rin à ches boéieus. Ouf !
"- Os avoète minger du boudin avant ches tests ?"
"- Jé m’souviens mie."
Chi tu causes à min tchu, i t'dit mie granmint ed keuses, mais i put t'réponde. I put. Feut mie tracher à l'comprinde.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Aucun commentaire:
Enregistrer un commentaire