Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

samedi 23 novembre 2013

Deus rcettes in unne

L'eute sinmdi, j'o foait deus rcettes in un keup.

I t'feut :
- unne tète ed vieu,
- sis minchons ed canèrd,
- un pié d vieu - cho put ête ech minme vieu eq pour el tète, mais ch'est mie oblitché -,
- sis o sèt ongnons,
- sèt o uit carotes,
- un poérion,
- miu d'un lite ed vin blanc, du boin tan q'à foaire,
- miu d'un lite d'ieu,
- du sé, du poéve et du pouillu.

Keuper ech tète ed vieu in morcieu d'inviron uit chu uit ;
Mette din un couet comme chu ch'photo,
un lite ed vin et un lite d'ieu.

Ajouter, din l'orde, ches morcieus ed tète ed vieu, ches minchons ed canèrd, ech pié d'vieu pèr dsu, ches carotes in rondelles, ches ongnons keuper in deus et ch'poérion keupé in tiots beus alintour.
Mette ech sé, ech poéve, chin crainde chu ech quintité, et ch'pouillu.
Finir ed couvrir avuc vin et ieu, pi, frunmer ech couet.

Mette quat voère chonc eures din un four à deus chints degrés.

Apré, inlever ches minchons,  sépèrer el'viainde ed ches os et keuper fin ; Miu ch'est tiot, miu ch'est insuite.
L'mette din une o deus tiotes terrines, avuc un molet ed carote, ongnon et poérion.
Appuyer, pi couvrir avuc ech jus ed tchuisson. Frunmer

et rmette unne boinne eure din ch'four, ach minme timpérature. Lo, t'os foait unne o deus terrine ed canèrd. Quanq ch'est froéd,cho coule mie ; Rbée ches photos dsous

Pour ech reste, tu rmets din ch'four edjalmint unne boinne eure, mais chin couvrir. Tu foais tchuire des punmes-ed-tère din del'ieu, pi tu les mets din ch'couet qu'est din ch'four. Lo, t'os tchuisiner unne tète ed vieu.

Boin accion !



4 commentaires:

  1. Quand est ce qu'on mange ?
    A table !!!

    RépondreSupprimer
  2. Ben, la tète ed vieu, tout le monde n'aime pas, pour les difficiles, prévois une boîte de raviolis, et régale-toi de la terrine avec les connaisseurs ! T'as raison, c'est super bon ! (une admiratrice qui a adoré ta recette !)

    RépondreSupprimer
  3. Dommage d'avoir fini le repas, mais ça donne faim. c'est à essayer. merci d'avoir de si bonnes idées.

    RépondreSupprimer