Ej su bin arrivé ach Brésil, edpi tchinze jours, pour vir l'keupe dech monde ed fotbal.
J'os vu ech rinconte Brésil Tchécoslovatchie, quat à un. Sapré Pelé ! Edman, j'iro vir Allemagne Inglétère. J'espère eq cho sro bieu conme i o quat ins, in mile-nu-chint-soéçante-sis.
Chi os avez ch'message, ch'est qu'emn invention éro fonctionné : invoéyer un message chin cabe, pèr ches tans. Tout ho avuc un poste ed trinsistors eq j'os cangé un molet din m'cambe. Ej vos p't'ête édvenir connu din ch'monde.
Ej pinse granmint à vos quat et, bin seur, à vot mère eq j'ainme granmint.
Chi os avez ech message, merchi de rin dire à d'eutes gins, avant qu'ej dépose ech brevet.
Becs à tertous.
Et chi os avez mie ieu s'message, ch'est mie un problinme : ej vos invoée unne lette pèr avion. Put eq mantcher, os in séroète rin.
Vot'père.
Aucun commentaire:
Enregistrer un commentaire