Innui au vèpe, i o unne rinconte ed rugby inter l'étchipe ed Frinche et chtol-lò d'Eustralie dò ed j'os un nveu qui reste edpi quèks smangnes et pour pour quèks moés.
L'rinconte cangero rin, malureusemint, à l'djère in Ukraine et baillero mie ed gingin à ch'présidint ed ches Anmérikes qu'est ch'puss cros nikdouille eq j'o janmoais vu mais qu'existe.
Mais j'ainmeroais granmint eq l'étchipe ed Frinche gaingne. Pour rinde honmage, d'unne manière, o bin au moinss foaire plaisi à min onke Michel qu'est, in vrai, onke d'ém fanme in étant frère d'ém bèle-mère, et qu'est mort judi.
Min onke, o disons, not onke ainmoait granmint ch'rugby. Il avoait un frère, des nveus - poin mi - et minme un tiot-fiu qu'avoai'te jué ach rugby. Adon pour i foaire plaisi et un clin d'ziu, feudroait qu'echl'étchipe ed Frinche gaingne.
Allez ches bleus ! Adé min onke.
Aucun commentaire:
Enregistrer un commentaire