Os sonmes ach moés d'eu, et i kminche à i avir des meurons bin noèrtes à tcheuillir chu ches bords ed ches voés, pour foaire des confitures et p't'ête un watieu.
L'eute lindi, j'i o allé, avuc min frère et s'fanme, ém bèle-soeur.
Quat lites ed tcheuillis in unne eure.
Et j'pux vos dire qu'èm bèle-soeur o bin ouvré ; pertoute dò qu'ej passoais aprè ale, i avoait rin in dsou d'un mète soéçante-tchinze, un mète quater-vint. Feut savoèr qu'ém bèle-soeur, ale mesure un mète soéçante-tchinze à un mète quater-vint quanq ale o ches bros in heut.
Grin merchi à ches deus d'ête vnus quèks jours ; os avons bin ri, bin mingé, bin jué à cartes. Et bin tcheuilli ches meurons.
Boinne jornée.
Aucun commentaire:
Enregistrer un commentaire