... l'fanme qu'avoait alintour ed quater-vint-troés ins d'ages.
In juillet, 'l'avoait passé dis jours ed vagances, à Bénodet, in Bertanne, avuc unne ed ches deus filles. I foaisoait fin bieu tans, et is ont bin promné chu ches bords ed mers, et causé et ri.
L'vieille étoait ureuse.
Troés smangnes aprè, din ch'moaison, achteure, ale rchoét quèks jours sn'eute fille, et ch'fille à s'fille. S'tiote-fille, sèt ins d'ages.
L'fanme est seuremint fin ureuse, et seuremint un molet ércrande, vu ches âges et ches timpératures.
Mais ureuse, ale s'plaint mie.
Aprè, un jour, arrive quoé qu'i doét arriver : s'fille et s'tiote-fille doé'te pèrtir.
Et is pèrt'te. Sèse eures trinte.
L'vieille est adon seule din s'moaison. Au vèpe, chin avir mingé, ale meurt. Chin tcheur o arté ed butcher.
Ches voésins, intchiets ed vir ches contervints frunmés edpi deus jours, l'ont rtruvoée, deus jours aprè.
Tine, ch'est chtiot 'nom del fanme, ainmoait, conme mi, mèrcher granmint.
Innui, ale vo ête interrée.
Adé Titine ! T'étoais unne fanme bin, Et seuremint unne boinne mère, boinne bèle-mère et boinne taïonne.
Aucun commentaire:
Enregistrer un commentaire