Ej vos in o djò causé un keup, j'in su seur, eq j'ainme bin vir ches gins d'em famille.
Quanq ej dis ho, ej pinse à ems éfants, à mes frères, bèlés-soeurs et bieus-frères, m'mère et m'bèle-mère, ches onkes et tantes qui sont in vie, ches cousins, ches nveus, ches nièces et tout ches eutes qu'ej pux oblier ed citer mais eq j'ainme.
Min problinme, et chti d'em fanme, ch'est qu'os avons miu ed chonc-chint kilomètes à foaire pour les vir. Pi aprè pour rintrer. Ho, ch'est seur, j'l'os djò écrit.
Ch'est ch'deusienme keup qu'ej l'écris, mais chi ches gins ont mie invie d'em voère, feudroait miu l'dire avant qu'os faoisonche ech premier kilomète.
D'un eute côté, ej constate qu'avuc ches gins qu'os voéyons miu d'un jour, toudi ches minmes, os passons ed fins boins momints.
Vlò ! Ej vouloais eq vos sachèche eq pour mi, ch'est quoé qui m'baille ech plaisi ed vive.
Mais ej pux étou tout canger et truvoer d'eutes coses pour ête ureus.
Aucun commentaire:
Enregistrer un commentaire