Ièr, timpe au matin, ej me déjoutche pour aller picier. Ches des coses qu'arrive'te. Et j'alloais, aprè, me rjoutcher ; J'ouvroais mie et il était sis eures.
Après avoèr foait quoé qu'ej vouloais, ej constate que l'keudière, qui keuffe not moaison et l'ieu, est artée.
Ej vux l'rdmarrer.
Premier keup, rin !
Deusienme keup, rin !
Troésienme keup, rin ! Ale est in rade.
Ureusemint qu'os étoème verdi, et que l'verdi, des gins ouvre'te. Après un keup ed téléphone et troés eures à attinde, ch'étoait réparé.
Vu qu'i foaisoait moins nu à l'cour et nos éfants vnoai'te pour ech sinmdi et diminche, ej pux dire o écrire qu'em fanme et mi avons ieu keud. Quanq ej m'avoais déjoutcher, i foaisoait trèse degrés din no moaison.
Pour définir, ej me su mie rjoutcher conme voulu.
El coeup d'la chaudiére in raque , ch'est du minme parél qué ch'coup d'la panne ed carette ! Tout cha ch'est dés mintiries ch'étoait seurmint pour miux t'rapprocher d'tin blanc bonnet din tin pajot (lit) ...!!! PDMM Adé ez zéf
RépondreSupprimer