Bojour à tertous,
Ej vos l'os djò écrit, j'os granmint d'onkes :
- ches frères ed min père (deus frères pèr soeur qu'il avoait, et ches soeurs disoai'te qu'ales avoai'te troès frères pèr soeur qu'ales avoai'te),
- ches frères d'em mère.
- avuc ech mèriage, j'os étou achteure ches frères ed min bieu-père et d'em bèle-mère préférée.
In tout, ho foait quatore onkes. Tu rtires d'ho deus tchurés, t'os alorss douze tantes.
A mes ages et avuc min nombe d'innées ed mèriage, ej croéyoais bin les connaoite, ches tantes.
Eh bin nan ! J'os démuché l'eute smangne, quanq j'étoais in vagances à m'moaison, unne tante qui foufte.
Ej savoais eq j'avoais des onkes qui fouft'te, surtoute dech coté ed min père o d'em mère, mais unne tante, qué surprinse !
Ale foufte conme un onme : chimint, plâtre, joints, martieu-piqueu...
Ej su seur eq t'i bailleroais du bo à keuper qu'ale le froait.
Ale o mie l'freusse ed foaire. Unne picarde, avuc granmint ed corage. Alorss, ej vouloais l'remerchier pèr echl'article lò. Ej sais qu'ale comprinds mie tout quoé eq j'écris, mais ale arrivero à comprinde. Surtoute qu'ale est à joke, vu qu'ale o miu ed soéçante ins et qu'ale o don tous ches tans pour tout lire.
Soin à ti ! chi tu voés unne fanme ed miu ed soéçante ins qu'i foait soéçante tchilos, ho put ête m'tante.
Becs à ale, et à ches eutes.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Bonjour à tous,
RépondreSupprimerJe confirme pour l'avoir constaté, elle est au top !
Bravo à t-tante ! J 'acoutoés n'y o tchinze jours ed cho à chés actualitées ; qu'os ons d'pus in pus ed fenme qu'is foait't ed l'ouvrage ed marle ; D'éximpe : Cariste , caudron.nier , fraiseur , boulinger .. Chés temps is cange'te ! Adé ez'zéf
RépondreSupprimerTa tante est touchée, mais voudrait le lien sur sa boîte mail...
RépondreSupprimerBises