Continons d'apprinde à connoaite des tiots villages ed Frinche, et surtoute dech Picardie o alintour. Innui, Merlimont.
Din ch'dépèrtemint dech Pas-ed-Calais, inter Berck et Ch'Touquet.
J'avoais sis ins. Min frère, chonc. Et os étoème in vagances à Merlimont. Un moés ed colonie. Magines !
Ej me ranmintuvoe eq tous les jours avant de s'mette au lit, falloait s'mette mer-nud ach beu dech lit, qu'os sonmes allés un keup à ches mers qu'étoai'te loin, i m'sanne, et qu'aprè, granmint ed ches éfants avoai'te ieu des maus.
Ej croés eq min frère étoait fin ureus qu'ej fuche lò, et mi, ch'est seur, j'étoais étou fin ureus de l'vir. J'in vux mie à mes pèrints ed nos avoèr mie lò, Ej leu in voudroais janmoais, mais min frère et mi avons granmint brai.
Vlò quoé qu'os avons, min frère et mi, conme souvnirs ed Merlimont.
I o étou unne cacouille qu'os avons apprins à Merlimont et qu'os avons foait à not mère quanq os sonmes rintrés à not moaison :
- "Ch'mère, tu l'os foait braire !"
- "Qui ho ?"
- "Ech vake qui rit !"
Ej su janmoais rtorné din ch'village. Ho viendro p't'ête ! L'eute keup, in allant à Etapes-chu-ches-mers, os éroème pu. Sro p't'ête pour un eute keup.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Mi j'in rviens , j'i o passé 2 jours à Merlimont eq chés gins is s'appel'te ch'est des Ménomes (ceuss qu'is sont nés natifs) ....Cho'p plache al n'o mie d'trop cangé.ye tu l'érconnaitroais , mais cho'v ville ! HOUUUUU..Éne gin qu'i n'i o poin mit un caqueu edpis 10 énées , pour seur qu'i trouvaroait du cangemint !! Din z-z énées 1940 on disoait " té vos à Merlimont , la d'où qu'i o pon d'moaison " M"afin ej pinse qu'is pérloait't ed Merlimont plache !! Adé ez zéf
RépondreSupprimer