Pour tous ches gins qui ainme'te l'Picardie, Samara, ch'est aux alintour d'Anmyin. Ch'est un parc avuc des coses del préhistoère, pour vir ou apprinde kmint ches gins vivoai'te i o quèks millons d'innées.
Ech nom ed Samara vient ed Samarobriva, viu nom d'Anmyin, qui vut dire "pont chu l'Sonme". Samara vouloait dire Sonme, et briva, ech pont.
Alorss, ièr diminche, quanq m'fille m'o téléphoné pour m'dire qu'ale alloait vive à Samara et qu'ale étoait fin ureuse, j'étoais, mi étou, ureus.
Pi, ale m'o esplitché eq Samara, ch'est in Russie. J'os prins unne carte et rbéïé. Samara est inter Ulyanovsk et ch'Kazakstan, à mile-chonc-chint kilomètes à l'est ed Moscou.
M'fille vo i ouvrer in juillet. Ale sro rvenue pour ech moés d'eu. Ej su ureus.
Et ho m'esplique pourquoé eq ches russes rbé'te granmint min blog ; is ainme'te l'Picardie.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Aucun commentaire:
Enregistrer un commentaire