Vlò quèk cose qu'ej mé dminde : ches mneus ed train sont-i des chucheus ?
Ho sroait possibe, vu eq ches trains sont chu des rails. I o don granmint moinss ed dinger qu'in voéture o qu'avuc unne autobu.
Don, i o ches rails.
Pourquoé qu'ej mé dminde chi ches des chucheus ?
Edpi eds innées qu'ej vos ouvrer in train, des keups, ch'train arte chin daraine voéture in station à chint mètes aprè, des keups ch'est ches premièrés voétures qui sont in station. Et ches daraines sont coèr à l'station d'avant. O casi !
Un jour, i o minme un train qu'o oblié ed s'arter din unne station. Ech mneu dormoait p't'ête ?!
In vrai, ej su seur eq ches mneus ed train sont mie des chucheus. Mais quanq minme, os pouvons s'dminder.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
chucheus ?
RépondreSupprimerUn chucheus est unne gin qui boét granmint d'alcool, et souvint. Il est granmint ed tans seu conme un polonoés, conme os disons.
Supprimer