Maginez eq j'o un mau qui foait moérir casi chake keup !
Maginez ! Vu qu'achteure, j'o rin du toute conme mau, o bin ej lé sais mie.
Adon chi os maginez, chi os m'connoaissez et os m'ainmez un molet, os allez p't'ête vos dire :
- "feut qu'ej prie pour qu'i djériche".
Nan ! Ej vux mie.
Os pouvez prier, chi os voulez, pour qu'ej souffe poin, prie pour ém famille qui sroait coèr in vie, prier pour ches séruzyins qui soégne'te conme is peu'te ches gins, mais poin pour qu'ej djériche.
Pour djérir, j'o fiat in Diu ; i m'connoait et déchidero d'émn'avnir.
Mais merchi ed penser à mi.
Minme chi ej vos bin.
Ranmintuvoéez-vos : ej vos o dmindé ed maginer.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Aucun commentaire:
Enregistrer un commentaire