I o quèks jours, i m'sanne eq ch'étoait merkerdi, j'o intindu un
jornaleu dire ach poste ed radio :
- "Che socialisses sont granmint à avir tchitté discrètemint ech pèrti
edpi un in."
Busons un molet.
Granmint, et discrétemint ! Jou eq ch'est possibe ?
Magine unne salle dò eq t'os vint-mille gins.
I n'o unne qui pèrt. Tu l'voés mie. Et os pouvons adon dire qu'ale o
pèrti discrétemint
Mais quanq i n'o mile qui ont pèrtis, cho kminche à s'vir. Et lò, pu
possibe ed dire eq ch'est discrètemint.
Qu'i m'sanne.
Boinne jornée.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Aucun commentaire:
Enregistrer un commentaire