Sinmdi, j'os étè vir em mère. Et j'pinsoais ête obligé ed tonde ech pelouse.
Mie dzoin ! Ch'étoait djo foait edpi troés jours.
Un onke à mi, onme d'unne soeur à m'mère, étoait vnu in vagances quèks jours avuc s'fanme, et avoait gintimint tondu ech pelouse.
Il étoait pèrti quanq ej su arrivé. Ej l'érmerchie granmint. Dech keup, avuc m'mère et min frère qu'étoait lo étou, os avons jué à ches jus ed lettes pour foaire des mots, chi possibe ed sét lettes.
Mais causons ed min onke ; il étoait poéyisan avant d'ête un jonne viu.
Un poéyisan, quanq i keup l'herbe, ch'est pour l'bailler à ches vakes. Un poéyisagisse, li, quanq i keupe l'herbe dvant unne moaison, ch'est pour foaire bieu. Ch'est pour ho qu'i keupe parallèlemint à ches fernètes de dvant.
Sapré onke ! Mais i m'foait granmint plaisi quanq i vient, avuc s'fanme, vir em mère. I put érvénir, chi i vut, tous ches tchinze jours. I apprindro à miu tonde. Et m'mère foait du boin ju.
Becs à li, s'fanme et à tertous.
Chi t'os tes ages innui, bec à ti, surtoute chi t'os trése ins et eq t'ainme ches maquereaux sauce moutarde.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Inscription à :
Publier les commentaires (Atom)
Un' bise au tonton en question, et à ta nièce ed' 13 ans, la fille de la marraine de ma filleule.
RépondreSupprimerMerci bien mon beau frère et au parrain de ma filleule, j'ai traduit pour la reine du maquereau à la moutarde, elle vous remercie.
RépondreSupprimeré bieu ed' vir cho! Mi quant ech cope ech' l'herbe ché por foère bieu, mais auchi por foère ech compost
RépondreSupprimerpor donner à mengi à ché plantes - ech suis donc ché deux al foé!
On t'foet grinmint ed' porléchages é pi on t'sohaite eune boènne jornée
Merchi granmint à vos deus. Becs.
RépondreSupprimer