Boère un ju, ch'matin quanq tu dejoutches, ch'est bin. Mais l'boère din tin lit, ch'est miu.
I feut, ch'est seur, es'dejoutcher pour aller foaire keufer l'ieu et pour, aprè, foaire ech ju, prinde unne tasse, pi raler din tin lit.
Mais qu'os sonmes bin, ches piés din ch'lit, à boère tout pian pian ech ju !
Rin n't'inpêque aprè d'aller minger.
I o eds innées, ej foaisoais ho minme quanq ej pèrtoais ouvrer fin timpe au matin. Achteure, ej laice m'fanme dormir quanq ej vos ouvrer. Mais toutes ches vagances, ches sinmdi o diminche, ej prin ech ju din min lit.
Et ed lo, je rbée ech solé qui déjoutche étou, o ches nèges qui tcheu'te. Qué boins momints !
Os sonmes diminche ; à vos ed tinter ech keup.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Aucun commentaire:
Enregistrer un commentaire