Achteure, timpe au matin, aux invirons ed sis eures tchinze, sis eures quarante-chonc, slon o tu restes, i kminche à foaire jour. Tu voés mie ech solé, mais i foait jour.
T'intinds ches osieus qui cante'te, foais mie trop keud et tu voés ches couleurs qui sont douches. Pi, ech solé pèroait. Ch'est bieu ; Feut profiter. Unne eure ed miu et cho n'o pu rin à voèr.
Din uit jours, avuc ech canjmint d'eures, i frot nuit. Et din troés moés, i feudro s'déjoutcher à quat eures et i frot keud.
Profite d'achteure.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Aucun commentaire:
Enregistrer un commentaire