Echl'espoèr ed gaingner

Béto ches jus olympikes à Péris. Ches jornaleus sont ureus ; is ont ed quoé causer.

Eximpe avuc l'tchestion-lò intindu granmint ed keups à des sportifs, onmes o fanmes :

- "Os espérez quoé ?" 

Et lò, maginez eq l'eute réponche "ête ch'darain" o bin, "perde" !

Nan ! Ch'est seur qu'i o des sportifs qui sai'te p't'ête qu'is ont mie granmint ed canches ed gaingner, mais quanq tu foais sportif, ch'est quanq minme avuc chl'espoèr ed gaingner.

Judi, un jornaleu o dit :

- "Quanq tu jues mie pour gaingner, tu perds."

Chlapalisse et mi, os eroème dit l'minme cose.

In politike, ch'est granmint différint : qu'is gaingne'te o qu'is perde'te, ches politichiens, onmes o fanmes, is ont toudi gaingné. I éro qu'o acouter diminche au vèpe.

Boinne jornée.

Et vivemint sectimbe !