Quarante-uit eures

Merkerdi aprè-nonne, m'fanme o rindu unne visite à unne voésine qui reste à moins ed deus kilomètes ed no'moaison.

Ale avoait mie l'droét, mais l'o prins l'gueuche, et ches tiots kmins pèr ches cans.

L'voésine, unne fanme ed quater-vint-quat ins mais qu'o puss ed corage eq granmint ed jonnes - Vlan ! Din leus dints ! - o dit à m'fanme, quanq ale l'o vu :

- "Cho foait quarante-uit eures eq j'o mie causé à unne gin."

Adon !?

Suremint qu'ém fanme n'avoait poin l'droét d'aller la vir, mais ale o bin foait.

Boinne jornée à tertous.

Chi t'os ets ages innui et eq tu lis min blog, fin cros bec à ti.