Eds onmes et unne fanme

Os connoaissez seuremint ech film ed Claude Echlouche, sorti in mile-nu-chint-soéçante-sis.

Innui, ej vux vos causer ed jornaleus.

Quanq ej cause mie ed ches trains, os l'savez, ej truve eds'idées din ches jornaleus.

Sinmdi, j'o rbéïé ech Tour ed Frinche del bicyclète din ches Pyrénées.

Pour vir ches bèlés Pyrénées. Per eximpe, ech Pic dech Nonne d'Ossau et ches lacs, dò eq j'o djò dormi avuc un cousin.

A l'télé, pour ech Tour ed Frinche del bicylète, j'o constaté qu'i avoait deus o troés onmes jornaleus, et unne fanme qui ouve'te pour ches deus tchainnes ed télé.

Ches onmes, is sont tertous chu des motocyclètes, et l'fanme, din un burieu à chl'arrivée.

Pourquoé ?

Ch'est unne fanme ?!

Ale vouloait mie, o is vouloai'te mie qu'ale i fuche, o is vouloai'te i ête ?

Rcausons in din un in.

Ech miu, quanq tu rbées ech Tour ed Frinche, ch'est ed keuper ech son.

Boinne jornée.