Foaire plaisi à ches viux jueus

Verdi, timpe au matin, in acoutant ch'poste, j'o intindu un jornaleu dminder leu avis à ds'anciens jueus frinchoés ed tennis à propos del rinconte qu'i éro sis eures aprè, ech jour-lò, inter un suiche et un berge.

Et chatchun ed ches anciens jueus avoait des conseils à bailler, et des rmèrkes à foaire à l'un o l'eute pour gaingner.

Et patati, et patata !

Mi, ej ridjole.

Ed ches troés jueus frinchoés, i n'o mie un qu'o gaingné un jour Roland-Djarosse o Vinbledon. Miu ! Is ont p't'ête jonmaois allé in deusienme smangne d'un tournoé ed tennis !

Mais is sai'te causer à un jornaleu.

Et i foaire plaisi.