Du mau à no'tchuir - echl'épisode sis

Min taïon est edvenu oval et l'première rinconte ed rugby vient d'avoèr étè juée.

Aprè tout ho, mes taïons, mes frères et mi, os avons coèr prins des keups ed piés. Mais granmint moinss eq mes cousins oronds ! Et nos, os avons étè lancié pèr Johny Vilkisson echl’inglés, Walter Spandjero, Dan Carter, Bébert Paparemborde, Jean Pierre Rives qu’étoait fort conme un toèr, Mathieu-d’Anmyin o coèr Nanard L’Uis. Et in sonmes fièrs.

Causons deus sgondes dech Nanard L’Uis. Sapré ménère ! Il o été jueu à Gaillac et Bordieux-Bègues, pi aprè, mneu ed l’étchipe ed Frinche, pi de chtol-lol ed Toulon, avant d’ête présidint. Dech rugby in Frinche. Granmint ed corage, et mie nikdouille, ech Nanard ! Il o minme ouvré pour ech minisse des sports quèks moés !

A suive.