Quoé qu'os frons ed li

Ah, ches pauves pèrints !

Is ont ieu un fiu qu'is ont lonmé William.

Djò, quoé qui  leu o prins ed li bailler un tiot nom inglés ? Mais ch'est mie leu problinme.

O bin, in vrai, ch'est leu problinme mais ch'est mie d'ho qu'ej voulaois causer.

Leu William, il ouvre janmoais. A kmincher pèr l'école.

Et ch'est ho qu'o intchiété ches pèrints. William o grindi, et eux disoai'te à leus famille o amis :
- "William, i sait rin."

Adon ?!

Kmint qu'ho s'foait qu'achteure i o unne interprinze qui s'lonme William Sairin, dech nom dech galibié qui savoait rin ?

Qu'i pèroait qu'i savoait rin. Mais vu qu'il o ieu unne interprinze à chin nom, ej mé dminde quanq minme.

Pour définir echl'article, i sanne quanq minme qui savoait rin, o p't'ête mie grind cose, vu qu'echl'interprinze vo frunmer.

Malureusemint.