... mile-nu-chint-quater-vint-uit.
- "Quoé qu'i o ieu ?" qu'os vos dmindez p't'ête.
Ch'étoait, i m'sanne, étou un sinmdi.
Ej pux vos dire qu'ech jour lò, i avoait ech trinte-troésienme concours dechl'Eurovision del canchon, et eq ch'est unne jonne suisse qu'o gaingné. Mais edpi ech jour lò, j'os janmoais intindu causer d'unne canteuse suisse. Chi tu sais qu'est édvenu ch'tiote, dis lé mi.
Mi, ech trinte avri decht'innée lò, j'os causé granmint. J'avoais ieu miu ed corage eq d'eutes jours o d'eutes innées, conme pèr eximpe in mile-nu-chint-soéçante-dis-sèt, mile-nu-chint-quater-vint-quat o quater-vint-chonc. J'os don causé granmint, p'tête bin minme eq j'os défini ed causer qu'os étoème ech premier dech moés ed moai.
Et j'os wardé granmint ed souvnirs dech jour lò. Kmint voudroais-tu qu'ej m'in ranmintuche mie ?!
Et chi j'avoais ieu ech corage avant ? Feut mie i pinser. Quanq os sonmes ureus...
Mais feut l'ête, ureus. Chin quoé, ches souvnirs, t'os du mau avuc.
Cho qu't 'os écrits , allez svoér a coeuse , cha m'foét busier à ch'l Azheimer , pi surtout à in-ne comique Bélge qu'i l'o dit i o mie si lon qu'cha : Qué dommache d'avoér hazeimer à un momint d'és vie d'où qu'oz o el pluss ed cose à conter .....Ej treuve qu'os dvroéme avoér Hazeimer à troés ans pi n-n'éte débaraché à dix !! ÉH oué !! Adé ez zéf
RépondreSupprimer