Del vianne et un cot

Des gins sont din unne moaison pour minger insanne. I o étou un cot din l'moaison, et troés tchilos ed vianne.

Ches gins boé'te des keups, et quanq is vu'te mette ches troés tchilos ed vianne à tchuire, mie ed vianne.

I n'o un qui dit :
- "ch'est ch'cot qu'o mingé l'vianne".

P't'ête ! Kmint ête seur ?

- "Feut pzer ech cot", dit un eute.

Et is pése'te ech cot ; troés tchilos.

- "Ch'est bin ! El vianne est lò." dit un ed ches gins.

- "Ouais !" dit coèr un eute, "mais ò est ch'cot ?"