Bailler à minger à un coéchon

Pour vive, t'acates à minger. Et des keups, malureusemint, i in o granmint, o ch'est mie boin.

Alorss, tu l'bailles à tin coéchon eq li, tu mingeros din quèks moés. T'os mie ed coéchon, vu tu restes in ville, tu l'bailles à tes glinnes. Et tes glinnes t'front eds boins us.

Sinmdi, amon mi, j'avoais dech cavioar à minger. Dech vrai caviar russe, qui vient ed Russie. Mais il étoait mie boin. Pour nos.

Alorss, minme chi ej su mie in ville, j'os des glinnes et mie ed coéchon. T'os comprins quoé qu'est dévnu ech caviar !

Donmage ! Ch'est mie tous ches jours qu'os avons ho à minger. Ed minme pour nos glinnes.