Premier voéyage in train

Edpi ches tans ò tu lis mes contes chu ch'blog, tu sais bin qu'i o granmint ed tans qu'ej prinds ch'train. Min premier voéyage, ej m'in ranmintuvoe mie.

Mais avant-ièr, j'os rincontré din ch'train unne jonne fille, alintour ed dis-uit o vint ins, qui prenoait ech train pour chin premier keup.

Qué vie !

Ech train tcheut in panne.

- "Jou unne panne d'échince ?" qu'ale dminde, l'jonne.

- "Nan !" eq j'i réponds

- "H'est unne creuvaison", qu'ajoute min voésin.

- "Nan ?!" qu'ale dit.

Ale buse un molet pi dit :
- "i o mie ed pneus, à ches trains."

Os avons tertous ri. Minme ech jonne fille.