"Vu qu'os alunmons ches étoéles,
Ch'est qu'ales sont pour unne gin nécessaires ?
Ch'est qu'il est indispinsable
Eq tous ches soirs,
Ach édsu eds ches toèts
S'mette à terluire tout' seule au moinss
Unne étoéle ?"
"Ej sroais ureus ed t'offrir un juet dis keups puss cros, chi aprè tu souris."
"Minuit, rabzinant, un coutieu à ch'man,
O achaindé
Et égorgé
Ech dousienme eure,
A l'cour !
Ech dousienme eure est tcheue,
Conme dech billot ech tète dech condanné."
Tout ho, ch'est eds extraits ed poèmes ed Vladimir Maïakovski, poète russe mort à trinte-sèt ins, in mile-nu-chint-trinte. I o granmint ed tans.
Il pèroait qu'il éroait dit, avant ed moérir :
- Ech brin, fossile ed not tans".
A vos ed démucher, in lisant.
In causant ed russe, ho m'faoit pinser qu'i feut qu'ej érprinche m'carte ach pèrti communisse.
Billet por tizote !! Salut min camarate , ej décanille 8 jours in vagance din ch'sut a St Raf conme is dit'té chés bourgeoés ! ej prinds min manicraque avuc mi , si j'treuve ed la wouifi , a sro fin bien ; sin cha .... J'ém édminde quoé qu'ch'est qué j'va treuver in preume chol wouifi , obien ch'l éssinche ! Adé ez zéf
RépondreSupprimer