Mère Julia

Mère Julia ! T'os connu ?

Mi, j'os ieu chte canche. Feut dire qu'ale étoait unne taïonne à min père.

Quater-vint-dis ins et quèks quanq ale est morte, quater-vint tiots éfants pour ech fille, unne ed mes taïonnes, t'os comprins, et, avant ed moérir, janmoais ale ch'est berlurée chu ches tiots noms ed ches galibiés lo. Janmoais.

Etpi, ale ainmoait foaire del broderie. Rbée !

Qué souvnirs ! Fin bieu. Et qué patieinche ! Ej croés m'souvnir qu'ale avoait mie dzoin ed lunettes pour broder.

Ech miu ed ches souvnirs, ch'est ech mémoère.